سەرۆکێک لە لوتکەدا
شنیار ئەنوەر
پیرۆزبایی لە کاک بافڵ و یەکێتی و هەموو کوردستانییانندەکەم
ئەمرۆ سلێمانی و یەکێتی و کوردستانیش چوە قۆناغێکی تری مێژووی. رۆڵەیەکی ئەمشارە، نەوەی تاڵەبانی، سەرکردەیەکی کوردستانی کرایە سەرۆکی هاوپەیمانی پارتە سۆشیاڵ دیموکراتەکانی وڵاتانی عەرەبی، بەمەش خودی یەکێتی و کوردستان لە قۆناغی لۆکاڵی بوون هەنگاو دەنێن و کاریگەریی یەکێتی و خودی کاک بافڵ سنورەکانی عێراق و کوردستانی گەورەش تێدەپەرێنێت بۆ جیهانی عەرەبی.
ئەم هەنگاوە گرنگە دەبێتە دەرفەتێک کە پرسی کورد لە پرسێکی ئیتنی و ناوخۆییەوە بکرێتە بەشێک لە پرسی دیموکراسی و دادگەری لە چوارچێوەی فەلسەفەی کارکردنی پارتە سۆشیاڵ دیموکراتەکانی جیهان، هەروەک لە راسپاردەکانی کۆنفرانسەکەدا هاتووە.
دڵنیام لەژێر سەرکردایەتی کاک بافڵ و بە هیمەتی سەرکردایەتی ئيستای یەکێتی و بە پشت بەستن بە میراتی مام جەلال، سلێمانی و خودی یەکێتی پرسی کورد و دیموکراسی و پێکەوە ژیان دەبەن قۆناغێکی کاریگەرتر و بەهێز تر.
هەروەک پێشتر وتومە، یەکێتیەکی بەهێز واتە کورد و کوردستانێکی بەهێز.